Полиција ја блокира улицата под скопското Кале од каде е еден од влезовите во Чаршијата
Голем број полициски службеници вечерва се кај Старата скопска чаршија каде вечерва околу 20 часот во угостителски објект беа убиени две лица.
Според она што може да се види на терен, полиција ја блокира улицата под скопското Кале од каде е еден од влезовите во Чаршијата. Собрани се и голем број граѓани.
МВР го истражува вечерашното пукање кое според пријавата се случило во угостителски објект. Покрај двајцата убиени, првичните информации говорат дека повредено е уште едно лице на кое му се пружа лекарска помош.
„На 06.03.2023 во 20:11 часот во СВР Скопје пријавено е дека во угостителски објект во Скопје неколку лица пукале кон Ј. К. и Е. И., кои починале на лице место, и кон А. Т., кој е пренесен во болница за укажување лекарска помош. Се преземаат мерки за расчистување на случајот“,
соопштија од МВР.
Убиените, наводно ѝ се познати на полицијата и се поврзуваат со криминалното подземје.