За потсетување, Зеленски во своето обраќање кон Европскиот парламент ја повика ЕУ да застане зад Украина и да го поддржи украинскиот народ
Посебната седница на парламентот на ЕУ на која се расправа за конфликтот во Украина денеска започна со овации за амбасадорите на Украина, а пратениците застанаа на нозе и носеа маици со украинското знаме.
Претседателката на Европскиот парламент, Роберта Мецола, му се заблагодари на претседателот на Украина, Володимир Зеленски, кој се приклучи преку видеоповик.
„Господине претседателе, ви благодарам што му покажавте на светот што значи неоткажувањето. Ви благодарам што нè потсетивте на опасноста од нештата се случуваат кога некој прави работи за сопствени задоволства“,
порача таа во говорот, во кој го пофали херојството на украинскиот народ.
Таа порача дека ЕП го поздравува барањето на Украина да стане членка на ЕУ и дека ќе се работи тоа да стане реалност.
За потсетување, Зеленски во своето обраќање кон Европскиот Парламент ја повика ЕУ да застане зад Украина и да го поддржи украинскиот народ и нивната борба за слобода и живот.
„Нашиот народ е мотивиран бидејќи се бори за својата слобода и живот. Истовремено ние се бориме да станеме еднакви членови на Европа. Ние ја покажавме нашата сила. Докажете ни дека сте со нас и дека нема да не напуштите“,
порача Зеленски.