Зеленски до ЕП: ЕУ ќе биде многу посилна со Украина, а Украина без ЕУ ќе биде осамена

Украина вчера поднесе официјално кандидатура за членство во ЕУ

Претседателот на Украина, Володимир Зеленски, се обрати пред европратеници на вонредна пленарна седница на Европскиот парламент и побара од Европската Унија да ја докаже својата заложба за европска Украина, јави дописничката на МИА од Брисел.

Вонредната пленарна седница на Европскиот парламент е денеска целосно посветена на агресијата на Владимир Путин врз Украина.

Преку видеоврска од Украина, Зеленски изјави дека сака од европратениците да слушнат дека го поддржуваат украинскиот проевропски избор.

Зеленски потпиша барање за прием на Украина во ЕУ

Украина вчера поднесе официјално кандидатура за членство во ЕУ. Европскиот парламент денеска ќе одлучува за барањето, односно за да ѝ се додели на Украина статус земја кандидат за членка на ЕУ.

„Сакаме да бидеме еднаква членка во Европа, верувам дека покажуваме дека сме тоа, ЕУ ќе биде многу посилна со Украина, а Украина без ЕУ ќе биде осамена. Ја докажавме нашата сила, и дека во најмала рака сме исти како и вас, така што сега докажете дека сте со нас, дека нема да нѐ напуштите, докажете дека сте навистина Европејци“,

им порача претседателот Зеленски на европратениците.