Овој град беше окупиран од руските сили кои мораа да го напуштат во налетот на украинската офанзива што се случи изминатиот викенд
Украинските власти пронајдоа масовна гробница со 440 тела во североисточниот град Изјум кој пред неколку дена беше ослободен од руските сили, соопштија властите. Во гробницата има и тела на луѓе убиени од гранатирањата и воздушните напади.
„По ослободувањето, Изјум се откриваат масовни гробници, при што најголемата има 440 необележани тела“,
објави на Твитер украинското Министерство за одбрана.
Mass graves are being discovered in Izyum after liberation from the russcists. The current largest burial sights has 440 unmarked graves.@ZelenskyyUa : “The necessary procedural actions have already begun there. More information – clear, verified – should be available tomorrow.” pic.twitter.com/IipipvFJpb
— Defense of Ukraine (@DefenceU) September 15, 2022
„Некои загинале од артилериски напад, некои од воздушните напади“, изјави за „Скај њус“ полицискиот истражител Серхи Болвинов.
Информацијата го потврди и главниот полициски истражител за регионот Харков, во којшто припаѓа и Изјум.
Засега, нема коментар од Русија за масовните гробници.
Како што е познато, изминатиот викенд под налетот на украинската војска Изјум го напуштија илјадници руски војници откако претходно го имаа окупирано и го претворија во логистички центар за регионот Харков. Тие зад себе оставија големо количество муниција и опрема.
Ова не е првпат да се откријат масовни гробници во украинските градови каде навлегоа руските сили. Сличен случај имаше и во градот Буча, каде што покрај масовните гробници, светот сведочеше и на ужасните слики со убиени цивили расфрлени по улиците. Во април, истрага за ова започнаа и обвинители за воени злосторства од Меѓународниот кривичен суд.