Ќе им бидат продолжени договорите за работа на патронажните сестри кои се вработени на определено време, најави министерот за здравство Венко Филипче, на денешната прес-конференција. Тој рече деак за таа намена се обезбредени средства од Фондот за здравствено и пензиско осигурување.
„Повеќе пати во изминатите денови бевме контактирани од патронажните сестри кои се со договори на определено време, односно на шест месеци, што истекуваат на крајот на овој месец. На сите кои сакаат да продолжат со работа ќе им бидат продолжени договорите. Обезбедени се финансиски средства од Фондот за тоа.Таму каде што има потреба ќе бидат вработени дополнителен број патронажни сестри, согласно со големата потреба од здравствени работници. Патронажните сестри се вклопија во системот за пружање здравствени услуги на граѓаните,“
рече Филипче.