ЕУ подготвува четврти пакет санкции за Русија, в петок ќе има состанок со Блинкен

Според шефот на австриската дипломатија, новите санкции ќе ги погодат големите бизнисмени, а се подготвуваат посебни списоци

Европската Унија работи на четврти пакет санкции против Русија поради нејзината воена операција во Украина, изјави денеска австрискиот министер за надворешни работи Александар Шаленберг.

„Веќе воведовме силни санкции. Работиме на четвртиот пакет. В петок ќе има специјален состанок на министрите за надворешни работи на ЕУ со американскиот државен секретар Ентони Блинкен“,

рече тој.

Според шефот на австриската дипломатија, новите санкции ќе ги погодат големите бизнисмени, а се подготвуваат посебни списоци.

„Следната главна цел ќе биде, така да се каже, врвот, олигарсите. Работиме, веќе има нови списоци“,

рече Шаленберг.

Досегашните санкции вклучуваат забрана за трансакции со руска финансиска институција, а замрзнати се и сите средства на банката во ЕУ за да се блокира финансирањето на војната на рускиот претседател Владимир Путин во Украина.

ЕУ: Нови санкции кон Русија кои ќе предизвикаат тешки последици за нејзината акција

Исто така, ЕУ воведе санкции и против Путин и министерот за надворешни работи Сергеј Лавров.

ЕУ со санкции за Путин и Лавров

Европската Унија го затвори и воздушниот простор за авиони во сопственост на Русија, авиони регистрирани или контролирани од Русија.

ЕУ го затвора воздушниот простор за руски авиони