Емилија Динева е жената чие срце и бубрези се донирани на тројца пациенти, откако го изгубила животот во сообраќајна несреќа.
На социјалните мрежи, каде голем број граѓани изразуваат сочувство до семејството, Динева го доби епитетот „херој“.
Со нејзиното срце беше извршена првата трансплантација во земјава, а по синоќешната операција тоа продолжи да чука во градите на 54-годишен пациент.
Во моментов во тек е трансплантација и на бубрезите кај два пациенти со хронична бубрежна слабост кои со години биле на дијализа.
Министерот за здравство Венко Филипче изрази благодарност до семејството.
„Да се донесе одлука да се даруваат органи во моментот кога го губите саканиот, е тешко. Незамисливо тешко. Потребно е многу сила, многу љубов и многу хуманост да мислите на нечиј туѓ живот во моменти кога знаете дека сте го изгубиле најблискиот. И за ова сме им бескрајно благодарни. Тие се се хероите на оваа приказна“,
порача Филипче.