Хрватски граѓанин загина, а четворица државјани на Северна Македонија се повредени во сообраќајна несреќа што се случила денеска кај клучката Ковиљ во близина на Нови Сад. Како што обајвуваат српските медиуми, автомобилот со македонски регистерски таблички излетал од патот, по судирот со друго возило.
На самото место на несреќата загинал возачот на „Пежото“, М.А. (56), државјанин на Хрватска, а повредени се две жени, 7- годишно девојче и 10-годишно момче, сите четворица македонски државјани.
Децата се пренесени во Детската болница во Нови Сад, а оттаму за РТС изјавиле дека девојчето е на операција и е во животозагрозувачка состојба. А жените како што пишува РТС, се примени во Ургентниот центар во тешка состојба.
Поради големите оштетувањата на „Пежото“, повредените лица од автомобилот ги извлекле пожарникари.