Од Министерскиот совет во Софија појаснуваат дека Бугарија ќе се придржува до Декларацијата на Националното собрание од 10 октомври 2019 година, додека за Албанија, која е во „пакет“ со нашата земја, се посочува дека е подготвена да напредува на патот кон ЕУ
.
Бугарија нема да го промени ставот за почеток на преговорите за членство на РС Македонија во Европската Унија, соопштуваат од бугарската техничка Влада.
Министерскиот совет, појасни дека „Бугарија ќе се придржува до Декларацијата на Националното собрание од 10 октомври 2019 година, во врска со проширувањето на ЕУ и Процесот за стабилизација и асоцијација на Република Северна Македонија и Република Албанија, како и како до рамковниот став за европската перспектива на РС Македонија и Албанија, усвоен од Советот на министри на 9 октомври 2019 година и поддржан со декларацијата на Националното собрание од 10 октомври 2019 година.“
Како што пренесува БГНЕС, „овој став на Бугарија ќе се брани за време на состанокот на Советот за општи работи, што ќе се одржи на 14 декември во Брисел.
„За Бугарија, основниот принцип на сопствените заслуги на секој кандидат останува одлучувачки. Бугарија верува дека Албанија е подготвена да напредува на патот кон ЕУ и е подготвена да го поддржи усвојувањето на преговарачката рамка за земјата и одржувањето на првата меѓувладина конференција“,
е ставот на бугарската влада.