Според властите, на протестите учествувале 70 000 луѓе, додека организаторите ја проценија бројката на 500 000
Десетици илјади луѓе излегоа на улиците во Мадрид и во други шпански градови, засилувајќи ги барањата за справување со растечката станбена криза откако владините мерки беа отфрлени од опозицијата, пишува „Гардијан“.
Демонстрантите носеа транспаренти со кои повикуваа на генерален штрајк откако во петокот во парламентот беа отфрлени мерките изготвени за да се одговори на масовниот гнев поради иселувањето на една 87-годишна жена во Мадрид, како и поради други прашања поврзани со домувањето.
Според властите, на протестите учествувале 70 000 луѓе, додека организаторите ја проценија бројката на 500 000.
🚨🇪🇸Breaking: Plaza España packed right now, just before the demonstration begins against the #Spanish Goverment. This is #Madrid , #Spain 🇪🇸🚨 https://t.co/NVYbZNMrOe
— World_Breaking_News03 (@Breaking2003) October 3, 2026
Шпанскиот премиер Педро Санчез би можел да распише предвремени избори за ноември откако законскиот предлог не беше усвоен, објавија шпанските медиуми во петокот, при што тој најави дека ќе ја следи масовноста на саботните протести пред да донесе одлука.
Демонстрациите доминираа во јавниот дискурс, влевајќи нова енергија во владата на Санчез, која се соочува со тешкотии, и пренасочувајќи го вниманието од долготрајните последици на неодамнешните настани во Сеута.
Саботните протести во 50 шпански града поминаа мирно. Сепак, во југоисточниот град Валенсија, демонстрантите се судрија со полицијата, која употреби гумени куршуми и солзавец за да ги растера присутните.
Околу 30 лица успеаја да влезат во „Градот на уметноста и науката“ – значаен културен објект во градот – пред полицијата да ги отстрани оттаму.
🇪🇸🚨Breaking: Housing rights protesters clash with police after trying to enter a real estate investment summit. 📍🇪🇸: Outside Palau de les Arts Reina Sofía, City of Arts and Sciences, #Valencia , #Spain . https://t.co/v6bKuwL8xZ
— World_Breaking_News03 (@Breaking2003) October 3, 2026
Во изјава за медиумите, портпаролката на Синдикатот на станари, Валерија Раку, нагласи дека јавната мобилизација е поради гневот предизвикан од иселувањето на постарата жена од својот дом во Мадрид на 23 септември.