Најверојатниот нов бугарски премиер, во интервју за „Шпигел“, вели дека меѓу Бугарија и Македонија треба да се формираат работни групи и да се остават да преговараат шест месеци
Кирил Петков, копретседател на коалицијата „Промената продолжува“ и најверојатен нов премиер на Бугарија, во интервју за „Шпигел“, во однос на прашањето меѓу Скопје и Софија, вели дека треба да се формираат работни групи и да се остават да преговараат шест месеци, за да не ги одредуваат работите само националистите.
„Зошто нема летови и возови меѓу Софија и Скопје? Ајде да зборуваме повеќе за економија отколку за различни толкувања на заедничката историја. Или за учебниците во Северна Македонија во кои се тврди дека Бугарите се фашисти“,
вели Петков.
Тој за „Шпигел“ оценува дека ако се даде „зелено светло“ за пристапните преговори веднаш, без дискусија, тоа само ќе ги зајакне националистите во двата табора.
„Ние се потпираме на преговори, а не на пропаганда“,
вели Петков.