Европската агенција за лекови (ЕМА) до крајот на јануари треба да даде проценка за употребата на вакцината на „Астра Зенка“ во ЕУ
Претставници на фармацевтстката компанија „Астра Зенека“ најавиле доцнење во испораката на вакцините, потврди еврокомесарката за здравство, Стела Киријакидес.
Таа на Твитер напиша дека се инсистира на прецизен план за испорака врз чија основа земјите-членки на ЕУ ќе можат да ги планираат кампањите за вакцинација против ковид-19 доколку оваа вакцина добие дозвола за употреба во земјите на ЕУ.
The @EU_Commission will continue to insist with @AstraZeneca on measures to increase predictability and stability of deliveries, and acceleration of the distribution of doses/3.
— Stella Kyriakides (@SKyriakidesEU) January 22, 2021
Таа додаде дека Европската комисија во контактите со фармацевтската компанија „Астра Зенека“ продолжува да инсистира на предвидливост и стабилноста на испораките на нарачаните вакцини, како и за забрзување на нивната дистрибуција.
Европската агенција за лекови (ЕМА) на почетокот на годината објави дека до крајот на јануари треба да даде проценка за употребата на вакцината на „Астра Зенка“ во ЕУ.
Доколку добие позитивна оценка, „Астра Зенека“ ќе стане третата компанија чии вакцини против ковид-19 ќе бидат лиценцирани за употреба во ЕУ.
До овој момент, потврда од ЕМА имаат вакцините на „Фајзер/Бионтек“ и „Модерна“.
Минатата недела „Фајзер“ веќе најави доцнење во дистрибуцијата на своите вакцини наменети за ЕУ поради модификација на производствениот процес.
Шест вакцини против ковид се користат во светот
Научниците ширум светот развиваат многу потенцијални вакцини за ковид-19. Сите овие вакцини се дизајнирани да го оспособат имунолошкиот систем на организмот безбедно да го препознава и да блокира вирусот што предизвикува ковид-19.
Во моментов во светот се користат неколку различни видови вакцини за ковид-19, некои ги поминаа сите нивоа на тестирање, некои се уште се во последната, трета, фаза. Но, поради итноста, шест од нив веќе се користат.
Грубата поделба на овие вакцини е во две групи:
–на база на РНК (рибонуклеинска киселина), кои користат безопасни фрагменти од протеини или протеински лушпи кои го имитираат вирусот COVID-19 за безбедно генерирање на имунолошки одговор;
– на база на деактивирани или ослабени вируси, кои користат форма на вирус кој не предизвикува заболување, но сепак генерира имунолошки одговор.
Во групата на вакцини кои користат генетски дизјанирана РНК или ДНК се оние на „Фајзер/Бионтек“ и Модерна.
Кај овие вакцини, РНК им наложува на нашите клетки да произведат САРС ков-2 Ес – протеин за да предизвикаат имунолошки одговор. Ес- протеините играат клучна улога во продирање во клетките – домаќин и започнување на инфекција.
Во другата група спаѓаат вакцините на „АстраЗенека“ и Универзитетот во Оксфорд, вакцината на „Џонсон и Џонсон“, кинеската вакцина „Синофарм“ и руската „Спутник Ви“.
Кај оксфордската вакцина, „Џонсон и Џонсон“ и „Спутник Ви“ се користи вирусен вектор, безопасен вирус, кој е направен за да содржи ген за САРС ков- 2 Ес- протеин.
Вакцината „Синофарм“, пак содржи деактивиран вирус САРС ков- 2 кој преку хемиски процес се прави инертен, но ја зачувува структурата на вирусот за да може да поттикне борба на организмот.