„Според нашите пресметки, врз основа на анализите како се движеа цените на светските берзи изминатите две недели, односно втората половина од мај, и како се движеа цените изминатава недела, очекуваме полека, но сигурно да се стабилизираат и кај нас“, изјави дененска Мицкоски
Премиерот кажа дека и понатаму се преговара со компанијата „Окта“, а очекувањата се да се добие дополнителен попуст барем, како што рече, за првата половина на јуни
Стаблизирање на цените на горивата и поевтинување на дизелот за шест до шест и пол денари, очекува премиерот Никола Груевски, кој, одговарајќи на новинарско прашање, за утре најави онлајн седница на Владата на која ќе се дискутира на оваа тема.
Говорејќи во таа насока, тој рече, дека земјава ќе остане со, според него, убедливо најниски цени на горивата во регионот.
„Утре во текот на денот ќе имаме онлајн владина седница. Според нашите пресметки, врз основа на анализите како се движеа цените на светските берзи изминатите две недели, односно втората половина од мај, и како се движеа цените изминатава недела, очекуваме полека, но сигурно да се стабилизираат и кај нас“,
изјави Мицкоски.
Како што појасни тој, досега повластаната стапка за бензините од 10 отсто треба да се врати на 18 проценти, а во делот на акцизите ќе остане намалувањето од два денари по литар за дизелот и за безоловните бензини од 95 и 98 октани, бидејќи просекот на цената на дизелот и на безоловните бензини на берзите во втората половина на мај се движел помеѓу 1 000 и 1 200 долари за барел.
Премиерот кажа дека и понатаму се преговара со компанијата „Окта“, а очекувањата се да се добие дополнителен попуст барем, како што рече, за првата половина на јуни.
„Кога ќе ги имаме предвид сите овие мерки, тогаш очекувам цената на бензините да остане иста или да има мало зголемување од половина денар, а дизелот да поевтини околу шест и пол денари, од шест до 6,5 денари. Отприлика ова се бројките кои нашите калкулации ги кажуваат, а ќе видиме каква пресметка ќе направи Регулаторната комисија за енергетика (РКЕ)“,
изјави премиерот.
Според него, тримесечениот период, колку што трае ситуацијата со цените на нафтата, што ги предзвика конфликтот на Блискиот Исток меѓу САД и Иран, бил динамичен, но Владата, рече тој, успеала да ја задржи ценовната стабилност, без граѓаните, во ниту еден момент да почувствуваат какво било ограничување кога станува збор за снабдувањето со нафта и нафтени деривати.
Тој повтори дека, во овој период притисокот на бензинските пумпи во земјава бил огромен, и имало денови кога побарувачката на горива била из а 50 проценти поголема од вообичаено поради граѓаните на соседните земји кои доаѓале да полнат гориво на бензински во Македонија.
„И кога сето ова ќе се ќе се заокружи, ние и денеска, односно и она што го очекуваме во понеделник, ќе останеме држава со убедливо најниски цени на на горивата, односно на дизел горивото и на бензините“,
изјави Мицкоски.