Јас не сум избран да ги претставувам Американците, туку интересите на народот на Република Српска, вели членот на Претседателството на БиХ, против кого американското Министерство за финансии објави санкции поради корупција и злоупотреба на моќта
Во голема грешка се ако мислат дека ќе ме дисциплинираат на овој начин, реагира српскиот член на Претседателството на Босна и Херцеговина, Милорад Додик, откако САД објавија санкции против него и против Алтернативна ТВ од Бања Лука.
Додик изјави за агенцијата „Срна“ дека одлуката на САД да воведат санкции против него и АТВ е „толку бесмислена што тој не ни знае како да ја коментира. Тој се осврна и на времето кога е објавена оваа одлука.
„Можеби првото нешто што ви паѓа во очи е времето кога се објавува оваа одлука, односно во пресрет на најсреќниот христијански празник Божиќ. Историски гледано, како народ бевме нападнати на големи празници и знам дека тие што стојат зад оваа одлука го знаат тоа. Втората работа што ми паѓа на ум е дека земја која се гордее со човековите права и слободата на медиумите ги санкционира медиумите. Ако ова не е напад на слободата на изразување и на слободата на говорот, тогаш не знам што е“
рече Додик.
Додик вели дека не го доведува во прашање уставниот поредок во БиХ.
„Тоа се санкции лобирани од неколку американски функционери кои не делат визијата за БиХ како што имам јас и како што е потпишана во 1995 година. Ако мислат дека ќе ме дисциплинираат на овој начин, во голема грешка се. Дури сега добивам нов мотив да се борам за правата кои ни се одземени 26 години. Се плашам дека се што направија е мало за да ме спречат, бидејќи јас не сум избран да ги претставувам Американците, туку интересите на народот на Република Српска. Се додека сум во ова работа, така ќе биде“
изјави Додик.