Во објавата на Икс во која им изразува сочувство на претседателката Илијана Јотова и на бугарскиот народ, шефицата на државата вели дека е длабоко потресена од верижниот судир на автопатот „Тракија“ во кој, според последниот биланс, загинаа 12 лица
Претседателката Гордана Сиљановска-Давкова упати сочувство до нејзината бугарска колешка Илијана Јотова за трагичниот верижен судир што денеска се случи во близина на Зимница, на бугарскиот автопат „Тракија“.
„Длабоко ме потресе веста за трагичниот верижен судир во близина на Зимница, на бугарскиот автопат ‘Тракија’, во кој животот го загубија повеќе од десет лица, а најмалку 48 се повредени. Упатувам искрено сочувство до претседателката Илијана Јотова, до семејствата кои ги загубија своите блиски и до бугарскиот народ. Моите мисли се со сите погодени од оваа трагедија. На повредените им посакувам сила и целосно и брзо закрепнување“,
напиша Сиљановска-Давкова во објава на Икс.
🇲🇰 🇧🇬 I was profoundly distressed to learn of the tragic chain-reaction collision near Zimnitsa on Bulgaria’s Trakia motorway, claiming more than tens of lives, while leaving at least 48 people injured. I extend my heartfelt condolences to President @IlianaIotova, to the families who have lost their loved ones, and to the people of Bulgaria. My thoughts are with all those affected by this tragedy. I wish the injured strength and a full and speedy recovery.
— Гордана Сиљановска Давкова (Gordana Siljanovska) (@gogamkd) November 10, 2026
Според последниот биланс од трагичниот верижен судир на автопатот „Тракија“, бројот на загинати се искачи на 12, а повредени се околу 50 лица, од кои дел од нив потешко.