Се очекува процесот на имунизација на здравствените работници да заврши за десетина дена
До крајот на март ќе стигнат 20 000 вакцини како резултат на директниот договор со „Фајзер“ и меѓу 20-25 000 вакцини „Астра Зенека“ преку Ковакс, најави денеска министерот за здравство Венко Филипче.
Во меѓувреме, тече вакцинацијата во поликлиниките „Букурешт“ и „Јане Сандански“ со вакцините „Фајзер“ и со „спутник в“, и тоа засега само на здравствените работници.
Филипче рече дека се очекува тој процес да заврши за десетина дена бидејќи има дополнителен број здравствени работници кои се ангажираат за работа со ковид-пациенти, па поради тоа е одлучено и руските вакцини да се користат за нивна имунизација.