Неговата оставка доаѓа во период кога новата градоначалничка на Скопје, ги разреши в.д. директорите на „Дрисла“ и на „Лајка“
Директорот на скопската Зоолошка градина, Ѓорги Галетановски, денеска си поднесе оставка, а за својата одлука ја информираше јавноста преку фејсбук статус.
Неговата оставка доаѓа во период кога новата градоначалничка на Скопје, Данела Арсовска, почна да разрешува повеќе директори на институции кои се во надлежност на Градот, а кои беа поставени додека скопскиот градоначалник и мнозинството во Советот беа на СДСМ.
Арсовска прво го разреши в.д. директорот на „Дрисла“, Коста Начевски, поставувајќи го за нов директор Јане Мицевски, носител на листата на ВМРО-ДПМНЕ во Сопиште, на локалните избори. Потоа, ја разреши и Тина Петрушевска од в.д. директор на ЈП „Лајка“, а на нејзино место функцијата ја презема Воислав Димитровски.
„Јас денес се враќам на улица, достапен во секое време да придонесам за подобра иднина на државата и на младите“,
пишува меѓу другото во фејсбук статусот на Галетановски.