Врз основа на она што го објави ДИК вечерва, избрани се градоначалници во 35 општини, во девет има приговори, а во Дебар вториот круг ќе се одржи на 14 ноември
ВМРО-ДПМНЕ освои 17 градоначалници, СДСМ пет, ДУИ седум, два имаат Алијанса/Алтернатива, по еден имаат БЕСА и ГРОМ и двајца независни – во Куманово и Скопје
Државната изборна комисија (ДИК) денеска ги соопшти конечните резултати од вториот изборен круг на локалните избори.
Претседателот на ДИК, Александар Даштевски, на денешната прес-конференција, информира дека со изгласување на предлог заклучокот за известување за Конечност на резултати од гласањето за избор на градоначалници на општините и градоначалник на Град Скопје, по одржан втор круг на гласање на 31 октомври, градоначалници се избрани во 35 општини, а во девет има поднесено приговори, поради што резултатите ќе бидат објавени откако ќе заврши целата процедура.
Врз основа на она што го објави ДИК вечерва, ВМРО-ДПМНЕ освои 17 градоначалници, СДСМ пет, ДУИ седум, два имаат Алијанса/Алтернатива, по еден имат БЕСА и ГРОМ и двајца независни – во Куманово и Скопје.
Арачиново – Ридван Ибраими од ДУИ
Битола – Тони Коњановски ВМРО-ДПМНЕ
Боговиње – Бесник Емши од ДУИ
Василево – Славе Андонов од ВМРО-ДПМНЕ
Вевчани – Спасе Кочовски од ВМРО-ДПМНЕ
Врапчиште – Исен Шабани од Алијанса и Алтернатива
Гевгелија – Андон Сарамандов од ВМРО-ДПМНЕ
Гостивар – Арбен Таравари од Алијанса и Алтернатива
Дебарца – Зоран Ногачески од ВМРО-ДПМНЕ
Демир – Капија Лазар Петров од СДСМ
Демир – Хисар Никола Најдовски од ВМРО-ДПМНЕ
Долнени – Урим Ибески од ДУИ
Зелениково – Коста Маневски од ВМРО-ДПМНЕ
Карпош – Стевчо Јакимовски од ГРОМ
Кичево – Фатмир Дехари од ДУИ
Кратово – Тодорче Николовски од ВМРО-ДПМНЕ
Куманово – Максим Димитриевски – независен
Лозово – Бошко Цветковски од ВМРО-ДПМНЕ
Македонска Каменица – Димчо Атанасовски од ВМРО-ДПМНЕ
Македонски Брод – Жарко Ристевски од ВМРО-ДПМНЕ
Ново Село – Ѓорге Божинов од ВМРО-ДПМНЕ
Охрид – Кирил Пецаков од ВМРО-ДПМНЕ
Пехчево – Александар Китански од ВМРО-ДПМНЕ
Радовиш – Ацо Ристов од ВМРО-ДПМНЕ
Ранковце – Борче Спасовски од ВМРО-ДПМНЕ
Ресен – Јован Тозиевски од ВМРО-ДПМНЕ
Росоман – Стојан Николов од СДСМ
Струга – Рамиз Мерко од ДУИ освои
Теарце – Нухи Незири од ДУИ
Тетово – Билал Касами од Беса
Центар – Герасимовски од СДСМ
Чаир – Висар Ганиу од ДУИ
Чашка – Горан Стојановски од СДСМ
Чучер – Сандево – Сашко Комненовиќ од СДСМ
Град Скопје – Данела Арсовска – Група избирачи Данела Арсовска
Приговори за гласање по листи на кандидати за градоначалници до ДИК, како што информираше Даштевски на денешната прес-конференција, има за општините Кочани, Старо Нагоричане, Конче, Шуто Оризари, Чешиново-Облешево, Пробиштип, Студеничани, Желино, Брвеница.
ДИК, исто така, ја потврди конечноста на резултатите за избор на градоначалник во Општина Дебар, по одржаното гласање на 31 октомври, по спроведената постапка за прегласување на прв изборен круг.
Втор изборен круг ќе се одржи на 14 ноември 2021 година и ќе се гласа за Хекуран Дука од ДУИ и Беким Поцеста од Алијанса и Алтернатива.