Над пет илјади тестови за ковид-19, десетици илјади маски и заштитни материјали денеска ќе пристигне во Скопје, донација од Кина за нашата земја, објави вицепремиерот Бујар Османи на денешната видеосесија посветена на ситуацијата со коронавирусот во земјава.
Донацијата вчера тргнала од Шангај, и преку Истанбул денеска треба да стигне во Скопје по што веднаш ќе биде распределена кај здравствените установи.
„Во вторник имам уште една донаторска конференција со земјите кој не се членки на ЕУ и другите донатори со цел да видиме дополнителни можности за обезбедување на материјали, бидејќи во овие услови нема ниту пазар, а исто така е прекинат синџирот на набавка на опрема од земјите кој што произведуваат до државата“,
рече Османи.