Според неа, партизацијата на безбедносниот сектор не е патот кон силна и безбедна држава, туку кон режим каде што безбедносните служби служат за заштита на интересите на еден политички врв, а не на граѓаните
СДСМ мора силно да се спротивстави на окупацијата на безбедносниот сектор. Гледаме обиди за партизирање на безбедносните служби од страна на власта и враќање на режимските практики, со силен удар врз професионалците и загрозување на демократските вредности, рече на денешната средба со членовите од Општина Центар, потпретседателката на СДСМ, Ана Чупеска.
„Безбедносниот сектор со сите негови структури мора да биде столб на независноста и заштитата на граѓаните, а не алатка за партиски интереси. Владата на ВМРО-ДПМНЕ со своите постапки и најави јасно покажува дека наместо да ја зајакне безбедноста на државата, се обидува да воспостави контрола врз овие клучни институции. Наместо реформи, сведоци сме на притисоци, замени на стручни лица со партиски лојалисти и отворени тенденции за политичка манипулација со безбедносните структури“,
нагласи Чупеска.
Според неа, тоа не е патот кон силна и безбедна држава, туку кон режим каде што безбедносните служби служат за заштита на интересите на еден политички врв, а не на граѓаните.
„Токму ваков пристап видовме во минатото и токму ваков пристап ја доведе државата во сериозна криза. СДСМ мора силно да се спротивстави на оваа окупација на безбедносниот сектор“,
потенцира потпретседателката на СДСМ.