Иако нема политичка влада, и претседателот Радев, и службениот министер за надворешни работи Стоев, и бугарскиот амбасадор во ЕУ Александров говорат дека има потреба нешто конкретно да направи Република Северна Македонија на краток рок, а другите прашања долгорочно да останат за во Преговарачката рамка, вели Бучковски за „360 степени“
Специјалниот претставник на Владата на РСМ за Република Бугарија, Владо Бучовски, во настап во емисијата „360 степени“ на ТВ Алсат, вели дека мора да се биде претпазлив кога се подгреваат очекувањата на јавноста во однос на можноста за деблокада на пристапниот процес на земјава во ЕУ веќе во декември. Има малку време до клучните состаноци на ЕУ, вели Бучковски, иако смета дека треба да се види што точно значат пораките што деновиве стигнуваат од повеќе официјални претставници на Бугарија за потребата Северна Македонија да испорача нешто конкретно на краток рок.
„Иизгледаше возможно дека ќе има нова влада во Бугарија до 14 декември, иако сега се почесто се споменува 25 декември како можен термин за тоа. Така што, има малку време за декемрви. Но, иако нема политичка влада, и претседателот Радев, и службениот министер за надворешни работи Стоев, и бугарскиот амбасадор во ЕУ Александров говорат дека има потреба нешто конкретно да направи Република Северна Македонија на краток рок, а другите прашања долгорочно да останат за во Преговарачката рамка. Треба да видиме што значи тоа. Во тој контекст треба да се чита и соопштението за телефонскиот разгов на Радев со еврокомесарот Вархеји, кое е пишувано во кабинетот на бугарскиот претседател, а не од советниците на Вархеји. Паралелно, и од словенечкото претседателство стигнуваат изјави дека е можно до крајот на годината да се случи прва Меѓувладина конференција. Но, како би се направи тоа – не е јасно, главно, од објективни причини“,
вели Бучковски за „360 степени“.
Во пресрет на петтиот ден од преговорите за нова Влада во Бугарија, специјалниот претставник Бучковски вели дека досегашните разговори меѓу четирите политички групации имаат одреден тон кој наведува дека ќе има договор за влада. Тој очекува таа нова влада да промовира и нов пристап во односите со земјаваа.
„Тоа го навестија и ‘Продолжуваме се промените’. Тие отворено кажаа неколку пати, преку нивните истакнати членови, дека приоритет во надворешната политика ќе биде надминување на проблемот што го има Бугарија околу блокадата на Северна Македонија. Последните изјави кои ги даваат Петков, Василев, одат во правец дека тие сакаат промена, земајќи за своја главна задача да се најде компромис. Притоа, ставајќи на масата идеја дека со работни групи, кои би разговарале покрај за заедничката историја, и за други прашања за да се даде една поинаква перспектива и оптимизам дека може да се најде решение. Јас сум убеден дека ќе има поинаков пристап од бугарска страна“,
вели Бучковски.