Бројот за загинатите во нападот на училиштето во Русија се искачи на 17 – од нив 11 се деца

Напаѓачот Артјом Казанцев (34) отвори оган во понеделникот во училиштетово Ижевск, а потоа се самоуби. Рускиот министер за образование изјави дека Казанцев е регистриран пациент со дијагноза на шизофренија

Бројот на жртвите во нападот во училиштето во рускиот град Ижевск на Урал се зголеми на 17, соопшти управата на тоа училиште, пренесува „Раша тудеј“.

Шест возрасни и 11 деца загинаа, додека 24 лица се ранети, главно деца, се вели во соопштението објавено од училиштето синоќа.

Нов биланс по нападот во училиште во Русија: 13 загинати и 21 повреден

Напаѓачот Артјом Казанцев (34) отвори оган во понеделникот во училиштетово Ижевск, а потоа се самоуби. Тој е поранешен ученик на ова училиште во кое учат околу 1 000 ученици. Напаѓачот се самоубил кога се соочил со припадници на безбедносните сили.

Рускиот министер за образование Сергеј Кравцов изјави дека Казанцев е регистриран пациент со дијагноза на шизофренија.

Руската истражна комисија покрена кривична истрага за пукањето за да ги утврди точните мотиви зад нападот, како и изворот на оружјето што го користел напаѓачот.

Република Удмуртија, каде што се случи нападот, прогласи четиридневна жалост.