Во разговорот, Борел ја изрази својата благодарност за целосната усогласеност на Република Северна Македонија со надворешната политика на ЕУ, вели премиерот
На барање на високиот претставник на ЕУ за надворешна политика, Јосеп Борел, се остварил разговор со премиерот Димитар Ковачевски, соопшти премиерот преку социјалните мрежи.
Двајцата разговарале за случувањата во Украина, при што Борел се заблагодарил што Северна Македонија одлучи да се приклучи на санкциите на ЕУ кон Русија.
„Денес, на барање на високиот претставник на ЕУ за надворешна политика, Јосеп Борел, телефонски разговаравме за случувањата во Украина. Во разговорот, тој ја изрази својата благодарност за целосната усогласеност на Република Северна Македонија со надворешната политика на ЕУ. Стоиме заедно и со целосна поддршка на граѓаните во Украина“,
соопшти Ковачевски.
Ковачевски претходно ја осуди руската агресија врз Украина. Реагираше и шефот на државата Стево Пендаровски, кој порача дека руски воени дејствија се сериозна повреда на основните принципи на меѓународното право, удар врз демократскиот поредок и закана за стабилноста на Европа.
Во моментов во неговиот кабинет во тек е и седница на Советот за безбедност.
Осуди претходно стигнаа и од шефот на дипломатијата Бујар Османи и министерката за одбрана Славјанка Петровска.
И ВМРО-ДПМНЕ јасно порача дека во целост го поддржува ставот на НАТО за конфликтот помеѓу Украина и Русија и порачаа дека за нив почитувањето на меѓународното право односно територијалниот суверенитет, интегритет и независност на Украина се фундаментално важни.
- Пендаровски го свика Советот за безбедност по руската агресија врз Украина
- (ФОТО+ВИДЕО) Почна да заседава Советот за безбедност кај Пендаровски
- Ковачевски: Ја осудувам воената агресија на Русија, нема директна закана за безбедноста на С Македонија
- Османи го осуди нападот врз Украина: Воените дејствија на Русија не се ништо помалку од почеток на војна
- Петровска: Државниот врв ги следи состојбите и презема мерки за гаранција на безбедноста
- С Македонија се приклучува кон санкциите на ЕУ за Русија
- ВМРО-ДПМНЕ: Во целост го поддржуваме ставот на НАТО за конфликтот меѓу Украина и Русија