Болничарка од Одделението за акушерство и гинекологија во болницата во Битола е заболена од коронавирусот.
Директорката на болницата д-р Билјана Гагачовска во разговор со „360 Степени“ уверува дека пациентките сместени во овој оддел се безбедни.
Иако болничарката ги чистела нивните соби, Гагачовска тврди дека таа немала близок контакт со родилките, а на работното место била соодветно заштитена.
„Според епидемиолошките анализи само шест лица од персоналот се пратени во изолација. Пациентките се безбедни, немала контакт. Во извршувањето на работните задачи како чистење на просториите во кои се сместени родилките и ходниците во болницата таа носела лична заштитна опрема по протокол. Нема контакт околу негата на пациентките“,
вели Гагачовска .
Болницата во Битола функционира и како регионален центар за лекување на пациенти со ковид-19. Во инфективното одделение има околу 50 легла за позитивни и сомнителни случаи. Во моментов таму се хоспитализирани 31 пациент.