Според објавата на Битиќи, најголемо зголемување на платите од 86 отсто имало кај вработените на градинките, кои во 2016 година имале 15 509 денари месечна плата, а во 2023 година земале 28 891 денари. Во полицијата, пак, зголемувањето на платите има најмал процент или 41 отсто
Наставниците, професорите, здравствените работници, полицајците и војниците беа сведоци на зголемување на платите како никогаш досега. Бројките сами по себе зборуваат за нашите достигнувања во подобрувањето на благосостојбата и условите за работа. Ова денеска го напиша вицепремиерот за економски прашања Фатмир Битиќи на неговиот профил на социјалната мрежа Фејсбук посочувајќи на остварените економските политики на власта во изминатите години, како и за зголемувањето на платата на вработените во различни дејности во јавниот сектор, но споредувајќи ја со 2016 година, периодот кога на власт било ВМРО-ДПМНЕ.
Тој објави и инфографик на кој, како што вели, е претставено зголемувањето на просечно исплатените плати во јавниот сектор во 2016 и во 2023 година. За извор на овие податоци е посочен Државниот завод за статистика.
„Едно мало потсетување на зголемувањето на платите во јавниот сектор! Ако не верувате во овие бројки, разговарајте директно со овие професионалци од јавниот сектор! Тие се сведоци на позитивните промени што ги донесовме во нивните животи и во целиот јавен сектор. Дела, не зборови“,
напиша Битиќи.
Според објавата на Битиќи, најголемо зголемување на платите од 86 отсто имало кај вработените на градинките, кои во 2016 година имале 15 509 денари месечна плата, а во 2023 година земале 28 891 денари. Во полицијата, пак, зголемувањето на платите има најмал процент или 41 отсто.
Наставниците во основните училишта во 2016 година земале 20 745 денари плата, а во 2023 година нивната плата изнесува 34 259 денари, што е покачување од 65 отсто.
Во средните училишта платата била 20 917, додека во 2023 година таа е 35 331 денар, што е покачување за 68 отсто.
Речиси најголемо покажување имало и кај вработените на Универзитетите, каде што во 2016 година примале плата од 27 789 денари, а минатата година месечната плата им изнесувала 51 563 денари, што е 53 отсто повеќе.
За 75 отсто биле покачени платите во армијата.
Во здравството платите од 2016 до 2023 година платите пораснале за 70 отсто, или од 24 829 на 42 379 денари.