Вицепремиерот за економски прашања, Фатмир Битиќи, денеска посочи дека скопјани не треба да се грижат, оти топлинската енергија во градот ќе биде навремено испорачана.
„Според Законот за енергетика, БЕГ мора да ги исполнува своите обврски сè додека не се назначи нов економски оператор. Пред две седници на Влада, генералниот секретаријат беше задолжен да пропише постапка за избор на нов економски оператор кој ќе управува со топлинската енергија во главниот град, дали ќе биде ЕСМ или некој друг не можеме да прејудицираме. Има компанија во сопственост на Градот, и они може да се појават на повикот, но, да, може и која било компанија истото да го направи. Во овој момент тоа што е битно е процесот да заврши навреме, транспарентно и без никакви правни недоречености, а се друго, граѓаните да не се грижат, ќе биде навремено испорачано топлинската енергија за граѓаните во Град Скопје, како што тоа го направивме во претходниот период. Дали БЕГ или друг има договор е помалку битно, од тоа дали ќе има топлинска енергија или не“,
посочи Битиќи