Министерот за економија Крешник Бектеши денеска соопшти дека веќе е подготвена мерка за производителите на основните прехранбени производи, а нејзината операционализација треба да почне од 1 декември.Тој уште еднаш објасни дека целта е да се намали цената на инптутите за основните производи, за да се спречи нивно поскапување.
„Со министерот Бесими креираме мерки и за малите компании кои се на слобдниот пазар. За производителите на освните продукти, како леб и масло за јадење, Министерството за економија само што подготви мерка која треба да се операционализира од 1 декември,“
изјави министерот Бектеши.
Бектеши соопшти и дека средбата со компанијата за природен гас што му ја посочи Христијан Мицкоски се одржала во Белград.
„ Се сретнав со претставници на компанијата која е регистрирана во Швајцарија. Може да ја обзнани Мицкоски, тоа не е моја работа. Се работи за претприемачи од Србија, БиХ и Словенија и за гас кој доаѓа од „Газпром“,
кажа министерот за економија.
Тој информира и дека втората компанијата што ја посочи Мицкоски, за набавка на мазут, е од БиХ, како и дека се уште се очекуваат нејзините понуди.
„Најважно од се е да се достават контрабанкарски гаранции за испорака и цена, како и да се почитуваат нашите законски одредби. Кога понудите ќе ги имаме, ќе ја известиме јавноста дали ќе бидат прифатливи или зошто не се,“
додаде Бектеши.