Бајден ги потврдил руските наводи оти експлозијата во Полска е предизвикана од украинската одбрана

Во меѓувреме, Русија негираше каква било поврзаност со ситуацијата во Полска и соопшти дека експлозијата била предизвикана од украинска ракета за воздушна одбрана, а дека руските напади во Украина биле не поблиску од 35 километри од границата со Полска

Американскиот претседател Џо Бајден на своите сојузници им кажал дека вчерашната експлозија во Полска била предизвикана од украинската противвоздушна одбрана, изјавил извор од НАТО, јави Ројтерс.

Претходно Бајден јавно изјави дека ракетата најверојатно не е истрелана од Русија, а доколку тоа се потврди, веројатно ќе се ублажи загриженоста за можна ескалација на војната.

На прашањето дали е премногу рано да се каже дали проектилот бил истрелан од Русија, Бајден рече:

„Постојат прелиминарни информации кои го оспоруваат тоа. Не сакам да го кажам тоа додека целосно не го истражиме, но малку е веројатно во редовите на траекторијата дека е истрелан од Русија, но ќе видиме“,

Бајден: Малку е веројатно дека проектилот што ја погоди Полска е истрелан од Русија

Во меѓувреме, Русија негираше каква било поврзаност со ситуацијата во Полска и соопшти дека експлозијата била предизвикана од украинска ракета за воздушна одбрана, а дека руските напади во Украина биле не поблиску од 35 километри од границата со Полска.

„Фотографиите објавени вечерта на 15 ноември во Полска од остатоците пронајдени во селото Пржеводов се недвосмислено идентификувани од специјалистите на руската одбранбена индустрија како елементи на противвоздушна ракета на системот за воздушна одбрана С-300 на украинските воздухопловни сили“,

се вели во соопштението на руското Министерство за одбрана, пишува Ројтерс.

Русија негира каква било вмешаност во врска со ракетниот напад врз Полска

Портпаролот на Кремљ, Дмитриј Песков, рече дека голем број земји дале „неосновани изјави“ за вмешаноста на Русија во ситуацијата во Полска „без притоа да имаат претстава што се случило“.

„Сведоци сме на уште една хистерична, русофобна реакција, која не се заснова на никакви реални податоци“,

изјави Песков за новинарите и додаде дека никогаш нема потреба да се брза со изјави кои можат да ја ескалираат ситуацијата, особено во вакви клучни моменти.

Тој рече дека американскиот претседател Бајден покажал „воздржаност“ во неговиот одговор за експлозијата која, како што рече, е во спротивност со апсолутно хистеричната реакција на полската страна и на голем број други земји.

Во меѓувреме, полскиот претседател Анджеј Дуда рече дека проектилот што паднал врз неговата земја „веројатно бил користен од украинската воздушна одбрана“. Тој рече дека нема индикации оти ракетната експлозија во Полска во која загинаа две лица е „намерен напад“, опишувајќи ја како несреќа.

Полскиот претседател: Не бевме нападнати, ракетата што падна беше несреќен случај

Полските власти потврдија дека по експлозија во источна Полска загинале две лица и најавија зголемување на борбената готовност