Според планот на американската војска, хуманитарната помош наменета за Газа ќе биде товарена на комерцијални бродови на Кипар и транспортирана до пловечкото пристаниште што се гради
Американската армија објави фотографии од, како што се наведува, изградбата на пловечка платформа, односно пристаниште во близина на Појасот Газа, кое треба да помогне во зголемување на испораката на хуманитарна помош во Појасот погоден од речиси шестмесечната војна меѓу Израел и Хамас.
На фотографиите, кои Централната команда на вооружените сили на САД ги објави социјалната платформа Икс, се гледа голема метална конструкција и работници во воени униформи вдолж пловечките платформи.
Во објавата се наведува дека пристаништето ќе ги поддржи напорите на американската програма за помош во странство – УСАИД и хуманитарните партнери да примаат и испорачуваат помош на жителите на Газа.
„Во тек е изградбата на пловечкото пристаниште JLOTS во Средоземното Море“,
се наведува во објавата на „Икс“.
Инаку, JLOTS е кратенка од Joint Logistics Over the Shore (Заедничка логистика на брегот).
Pier-building begins
— U.S. Central Command (@CENTCOM) April 29, 2024
Construction of the floating JLOTS pier in the Mediterranean is underway.
The pier will support @USAID and humanitarian partners to receive and deliver humanitarian aid to the people of Gaza. @USTRANSCOM and @USEUCOM support the movement of… pic.twitter.com/tC9J12wz4Z
Пред американската армија да ги објави фотографиите, на други сателитски снимки беше забележан брод на нејзината морнарица во близина на брегот на Газа. Според агенцијата Асошиејтед прес, станува збор за бродот на морнарицата на САД „Рој П. Бенавидес“, кој е вклучен во операцијата за изградба на пловечката платформа.
Сателитските снимки направени во неделата од „Планет лабс пи-би-си“ (Planet Labs PBC) покажуваат делови од пловечкото пристаниште во Средоземното Море покрај бродот. Американската војска и израелските власти не одговорија веднаш на барањата за коментар за позицијата на „Бенавидез“.
Според планот на американската војска, хуманитарната помош наменета за Газа ќе биде товарена на комерцијални бродови на Кипар и транспортирана до пловечкото пристаниште кое се гради. Палетите со помошта потоа ќе бидат натоварени на камиони, кои потоа со помали бродови ќе се пренесуваат до половечки пат со две ленти, долг 550 метри кој ќе води до брегот.
Новото пристаниште се наоѓа југозападно од градот Газа, северно од патот што ја преполовува Газа, а кој го изгради израелската војска за време на тековните борби против Хамас. Областа беше најнаселен регион во енклавата пред почетокот на израелската копнена офанзива поради која околу еден милион луѓе беа раселени на југот на Појасот во градот Рафах во близина на границата со Египер.
Во меѓувреме американската дипломатија ја притиска влада на Израел да овозможи поголем проток на хуманитарна помош за Палестинците во Газа. Истовремено траат и дипломатските напори за постигнување на договор за прекин на огнот во Газа и ослободување на заложниците што ги држи Хамас.