„Арбериа дизајн“ ја организираше и денешната свеченост во Прилеп

Компанијата беше дел и од организацијата на свеченоста за почеток на изградба на автопат од Коридорот 8, која се одржа на 4 април во Тетово. „Арбериа дизајн“ ја немаше на Електронскиот систем за јавни набавки како добитник на тендер за организација на настанот на патарината кај Тетово, а ја нема ниту сега

Фирмата „Арбериа дизајн“ се појави и денеска во Прилеп за да ја собере бината од свечената церемонија на која се означи поставувањето камен-темелник за изградбата на автопатот Прилеп-Битола од Коридорот 10-д.

Дојде крај на заложништвото, ниту Мицкоски ниту свети Мицко може да го запре овој проект, порача Груби од Прилеп

Таа беше дел и од организацијата на свеченоста за почеток на изградба на автопат од Коридорот 8 која се одржа на 4 април во Тетово. „Арбериа дизајн“ ја немаше на Електронскиот систем за јавни набавки како добитник на тендер за организација на настанот на патарината кај Тетово, а ја нема ниту сега.

„360 степени“ тогаш праша, но не доби одговор од Владата која фирма беше организатор и за колку пари била ангажирана.

Владата втор ден не кажува кој и како ја ангажирал „Арбериа дизајн“ да ја организира свеченоста за Коридорот 8

Новинарите се обидоа одговор за организацијата на настанот да добијат и од премиерот Димитар Ковачевски, но рече дека во тој период не бил во земјава и ги упати медиумите одговори да бараат од Груби.

Премиерот со одговор „не бев овде“ на прашањето – како „Арбериа дизајн“ ја добила организацијата на свеченоста за Коридорот 8

По осум дена од свечената церемонија за означување на почетокот на изградбата на Коридорот 8, конечно стигна одговор на прашањето кој платил за настанот.

Првиот вицепремиер Артан Груби, кој е координатор на проектот за изградба на коридорите 8 и 10-д, на брифинг со новинарите посочи дека свеченоста ја платил изведувачот, во случајот американско-турскиот конзорциум „Бехтел и Енка“.

„Бехтел и Енка“ плати за свеченоста за камен-темелникот за Коридорот 8, тврди Груби

„Арбериа дизајн“ лани во август ја организираше прославата за годишнината од Рамковниот договор за 80 илјади евра. Јавната набавка ја спроведе Министерството за политички систем и односи меѓу заедниците, со кое раководи Артан Груби од ДУИ.

Компанијата лани ја организираше и прославата за Денот на албанската азбука за речиси 60 илјади евра и е еден од најчестите добавувачи на Министерството за образование, пред сè, во печатењето книги и друг училиштен материјал.