Сцената беше овековечена со фотографија на стотици Авганистанци во авион што го обиколи светот. Првата проценка рече дека во авионот имало 640 луѓе, но тогаш децата што претежно седеле во скутот на родителите не биле земени предвид
Пентагон објави дека транспортниот авион Ц-17, кој беше меѓу првите што ја напушти хаотичната ситуација на аеродромот во Кабул минатата недела, пренел рекордни 823 патници.
Сцената беше овековечена со фотографија на стотици Авганистанци во авион што го обиколи светот. Првата проценка рече дека во авионот имало 640 луѓе, но тогаш децата што претежно седеле во скутот на родителите не биле земени предвид.
Инаку, бројката е двојно поголема од вообичаениот капацитет на воениот транспортен авион Ц-17 Глобемастер III.
Пентагон не објави колку членови на екипажот имало во огромниот авион.
Генералот Хенк Тејлор рече дека летот бил безбеден, а фотографијата „сведочи за хуманоста на војниците“.
Првиот ден од евакуациите, во неделата, предизвика целосен хаос на аеродромот во Кабул, а светот беше сведок на шокантни снимки од луѓе кои се обидуваат да се качат на авион за да избегаат од градот.
As the Americans leave Kabul: pic.twitter.com/VLYoOrPGZL
— ian bremmer (@ianbremmer) August 16, 2021