Американската амбасадорка во земјава, Кејт Мари Брнс, на лидерот на СДСМ, Зоран Заев, му го честиташе мандатот за состав на нова Влада, кој претходно му го додели претседателот на државата, Стево Пендаровски.
„Честитки до Зоран Заев за мандатот за формирање Влада на Северна Македонија. Очекуваме да соработуваме со новата влада кога ќе биде формирана. Како нова членка на НАТО ја поддржуваме посветеноста на земјата кон демократските принципи, владеењето на правото и нејзината европска иднина“,
напиша Брнс на Твитер
Претседателот Стево Пендаровски денеска му го врачи мандатот за состав на Влада на лидерот на СДСМ, Зоран Заев. Сега Заев има рок од 20 дена да се обиде да обезбеди мнозинство, односно да достави до Собранието предлог-состав и програма за работа на нова влада.