Со долги аплаузи во знак на поддршка, голем број граѓани низ европските земји од терасите на нивните домови симболично ги поздравуваат здравствените работници кои се во првите редови во борбата со коронавирусот.
Во 17 часот и македонските граѓани да се приклучат кон овој гест, повика пејачката и основач на Здружението „Проект среќа“ Кристина Арнаудова.
„ Тие заслужуваат и многу повеќе од аплауз, особено екипата на чело со министерот Филипче, но барем тоа можеме да го направиме, нели? Ајде денес 15.03.2020 сите да излеземе на терасите и со долг аплауз да ги поздравиме и да им се заблагодариме, за целата грижа и жртва која ја прават за ние да сме мирни и здрави! Ајде точно во 17 чаот сите да излеземе на терасите! Шерувајте ја оваа иницијатива и приклучете ми се!!“,
напиша Арнаудова на својот профил на Фејсбук.