Сомнежи дека гласовите од предвремените парламентарни избори се погрешно впишани или прикажани на интернет-страницата на Државната изборна комисија се појавија откако во изборни места каде што во 2016 година апсолутен победник беше СДСМ, сега според резултатите објавени онлајн, водство имаат ДУИ и Алијанса за Албанците, пишува порталот „А1он“.
Станува збор за општини како Карпош и Кисела Вода, во кои избирачки места двете албански партии поединечно во 2016 освоиле најмногу по два гласа.
Според извори на „А1он“, со упад во системот на Државната изборна комисија, погрешно се распределени околу 80 илјади гласа кои, пак, голем дел се одземени од контото на СДСМ.
Според првичните неофицијални податоци, во Карпош, на избирачкото место 2643, најмногу гласови освоила ДУИ или 58,02 проценти, а по нив, Алијанса за Албанците со 31,08 проценти од вкупниот број гласови. На истото избирачко место во 2016 година, 53,15 проценти освоил СДСМ, а потоа 38,14 проценти имала ВМРО-ДПМНЕ. Во 2016 година, ДУИ имала 0,30 проценти од гласовите, а Алијанса за Албанците на ова избирачко место имало 0,15 проценти.
Целиот текст можете да го прочитате ТУКА.