Според Управата за хидрометеоролошки работи, релативно стабилната временска состојба ќе се задржи и во текот на утрешниот ден, додека од понеделник и во наредните денови од престојната седмица ќе има услови за локален дожд
Денеска времето во земјава ќе биде променливо облачно со сончеви периоди, а по одделни котлини ќе има услови за појава на утринска магла, се вели во прогнозата на Управата за хидрометеоролошки работи (УХМР). Ќе дува слаб до умерен ветер од северен правец.
Утринската температура се движи во интревал од мунис еден дo седум Целзиусови степени, а максималната дневна ќе достигне од осум од 18 степени.
Во Скопје, според синоптичарите, се очекува слично време – променливо облачно со сончеви периоди и слаб до умерен ветер од северен правец. Дневната температура во главниот град ќе се искачи до 15 Целзиусови степени.
Според Управата за хидрометеоролошки работи, релативно стабилната временска состојба ќе се задржи и во текот на утрешниот ден, додека од понеделник и во наредните денови од престојната седмица ќе има услови за локален дожд, а по одделни котлини во утринските часови се очекува појава на магла.
