Со тоа, новата цена на еуросупер БС-95 ќе изнесува 86 денари за литар, додека еуросупер БС-98 ќе се продава по 88 денари за литар
Новата цена на дизелот ќе изнесува 87 денари за литар, а на екстра лесното масло за домаќинство 89 денари за литар
Регулаторната комисија за енергетика (РКЕ) денеска донесе одлука за нова корекција на цените на нафтените деривати, која ќе стапи во сила од полноќ.
Според одлуката, малопродажните цени на бензините еуросупер БС-95 и еуросупер БС-98 се намалуваат за два денара по литар во однос на цените утврдени на 1 јуни, додека цените на еуродизел (Д-Е В) и eкстралесното масло за домаќинство (ЕЛ-1) се зголемуваат за 1,50 денари по литар.
Со тоа, новата цена на еуросупер БС-95 ќе изнесува 86 денари за литар, додека еуросупер БС-98 ќе се продава по 88 денари за литар.
Од друга страна, цените на еуродизел (Д-Е В) и екстралесното масло за домаќинство (ЕЛ-1) се зголемуваат за 1,50 денари по литар.
Новата цена на дизелот ќе изнесува 87 денари за литар, а на екстралесното масло за домаќинство 89 денари за литар.
РКЕ соопшти и дека малопродажната цена на мазутот М-1 НС се намалува за 0,609 денари по килограм, па неговата нова цена ќе изнесува 47,297 денари за килограм.
Согласно одлуката на Регулаторната комисија за енергетика, највисоките малопродажни цени на нафтените деривати и горива за транспорт изнесуваат:
Владата на седница на 31 мај донесе одлука за продолжување на мерката за намалување на акцизите за нафтените деривати до 15 јуни и информира дека во разговорите со ОКТА бил договорен дополнителен попуст од два денари по литар кој ќе започне да се применува од 1 јуни.
Од компанијата ОКТА на 1 јуни информираа дека донеле одлука за привремен попуст од два денари по литар за бензините од 95 и 98 октани, кој треба да трае до 16 јуни.