Пријавувањето е овозможено преку апликацијата vakcinacija.mk. или преку матичен лекар
Повеќе од 22 илјади лица се вакцинирани против сезонски грип, информираат од Министерството за здравство.
За вакцинацијата, за која има голем интерес, од Здравство велат дека досега се пријавиле 70 илјади граѓани.
Вакцинацијата се спроведува на 35 вакцинални пункта, од кои пет се лоцирани во Скопје.
Пријавувањето е овозможено преку апликацијата vakcinacija.mk. или преку матичен лекар.
Од министерството велат дека со бесплатната вакцинација се опфатени лица над 65 години, лица со хронични заболувања, здравствени работници, бремени жени, деца од шест месеци до пет години и лица сместени во установи за социјална заштита на стари лица и вработените во нив.
Во организација на Министерството, превентивни тимови од здравствени установи продолжуваат со теренска вакцинација во домашни услови за повозрасни и неподвижни лица, како и за лица со попреченост.