Портпаролката на Белата куќа, Каролин Ливит, прецизира дека САД ќе ги задржат санкциите против одредени членови на поранешната сириска влада, вклучувајќи ги и Башар ал Асад, неговите блиски соработници, лицата обвинети за кршење на човековите права, екстремистичката група ИД, како и иранските посредници во регионот
Американскиот претседател Доналд Трамп потпиша извршна наредба со која Соединетите Американски Држави и официјално ги укинуваат санкциите против Сирија, што е нов чекор во зближувањето на двете земји повеќе од шест месеци по падот на сирискиот претседател Башар ал Асад.
Во соопштението на Министерството за финансии на САД се наведува дека со уредбата донесена од американскиот претседател се нуди олеснување на санкциите за субјекти кои се од клучно значење за развојот на Сирија, работењето на нејзината влада и обновата на општественото ткиво на земјата.
Портпаролката на Белата куќа, Каролин Ливит, прецизира дека САД ќе ги задржат санкциите против одредени членови на поранешната сириска влада, вклучувајќи ги и Башар ал Асад, неговите блиски соработници, лицата обвинети за кршење на човековите права, екстремистичката група ИД, како и иранските посредници во регионот.
Сирискиот министер за надворешни работи и емигранти Асад Хасан ал Шаибани ја поздрави одлуката на Трамп, велејќи дека со неа ќе се отвори вратата за долгоочекуваната реконструкција и развој.