Според синоптичарите, минималната температура ќе биде во интервал од 12 до 22, а максималната ќе достигне од 27 до 36 степени
Времето денеска ќе биде сончево со мала умерена облачност, информираат од Управата за хидрометеоролошки работи (УХМР).
Ќе дува засилен ветер од северен правец, со над 70 километри на час.
„Минималната температура ќе биде во интервал од 12 до 22, а максималната ќе достигне од 27 до 36 степени“,
велат од УХМР.
Во Скопје, пак, ќе биде сончево со мала умерена облачност и со умерен засилен ветер.
„Минималната температура ќе се спушти до 20 степени, а максималната да достигне до 34 степени“,
информираат синоптичарите.
Според прогнозите, денеска и утре ќе биде сончево и малку посвежо со мала облачност.
Ќе дува ветер што ќе предизвика опаѓање на дневните температури за 4 до 6 степени.
Од понеделник дневните температури повторно ќе бидат во постепен пораст.