Шефот на полицијата вели дека пред пукањето осомничениот бил забележан како шета надвор од музејот. Потоа се приближил до група од четири лица и извадил пиштол пред да отвори оган, по што влегол во музејот и бил приведен од обезбедувањето
Двајца членови на персоналот на израелската амбасада во Вашингтон, маж и жена, се застрелани и убиени синоќа во близина на еврејски музеј во центарот на Вашингтон, вели секретарката за внатрешна безбедност Кристи Ноем.
Според информациите од полицијата, едно лице е осомничено и е во притвор.
Ноем за нападот информира во објава на Икс, а пукањето се случило пред Еврејскиот музеј, кој се наоѓа во близина на теренската канцеларија на ФБИ во главниот град.
Two Israeli Embassy staff were senselessly killed tonight near the Jewish Museum in Washington DC. We are actively investigating and working to get more information to share. Please pray for the families of the victims.
— Secretary Kristi Noem (@Sec_Noem) May 22, 2025
We will bring this depraved perpetrator to justice.
Шефот на полицијата, Памела А. Смит, изјави дека прелиминарната истрага покажала дека двете жртви излегувале од настан што се одржувал во музејот кога се случил нападот. Се верува дека осомничениот, кој е во притвор, бил единственото лице вклучено во нападот, пишува „Гардијан“.
Таа вели дека пред пукањето осомничениот бил забележан како шета надвор од музејот. Потоа се приближил до група од четири лица и извадил пиштол пред да отвори оган, по што влегол во музејот и бил приведен од обезбедувањето.
Смит додава дека кога осомничениот бил приведен, почнал да вика „Слободна, слободна Палестина“.
Дени Данон, амбасадорот на Израел во Обединетите нации, го нарече пукањето „развратен чин на антисемитски тероризам“.
„Уверени сме дека американските власти ќе преземат силни мерки против оние што се одговорни за ова кривично дело. Повредата на еврејската заедница е преминување на црвената линија. Израел ќе продолжи да дејствува решително за да ги заштити своите граѓани и претставници насекаде во светот“,
пишува Данон во објава на Икс.
The fatal shooting that took place outside the event that took place at the Jewish Museum in Washington, D.C. is a depraved act of anti-Semitic terrorism. Harming the Jewish community is crossing a red line. We are confident that the US authorities will take strong action against… pic.twitter.com/mVyXHjGyxU
— Danny Danon 🇮🇱 דני דנון (@dannydanon) May 22, 2025
Израелскиот амбасадор Јехиел Лајтер изјави дека двајцата застрелани биле пар кои требало да се свршат. Тој рече дека мажот неделава купил прстен „со намера да предложи брак следната недела во Ерусалим“.
Израелскиот претседател Исак Херцог рече дека е скршен од пукањето во Вашингтон, за кое го обвини антисемитизмот.
„Ова е презрен чин на омраза, на антисемитизам, кој ги одзеде животите на двајца млади вработени во израелската амбасада. Ние стоиме зад еврејската заедница во Вашингтон и низ САД. Америка и Израел ќе застанат обединети во одбрана на нашиот народ и нашите заеднички вредности. Теророт и омразата нема да нè скршат“,
вели Херцог.
Претседателот Доналд Трамп им упати сочувство на семејствата на жртвите, велејќи дека „омразата и радикализмот немаат место во САД“.
„Овие ужасни убиства во Вашингтон, очигледно засновани на антисемитизам, мора да завршат, сега! Омразата и радикализмот немаат место во САД. Сочувство до семејствата на жртвите. Многу е тажно што вакви работи можат да се случат“,
пишува Трамп на неговата платформа Трут сошал.