За утре од УХМР прогнозираат сончево време со мала до умерена облачност
Променливо облачно време со сончеви периоди е прогнозата на Управата за хидрометеоролошки работи (УХМР) за денешниот ден. Во претпладневните часови по котлините ќе има појава на магла и ниска облачност, а вдолж Повардарието ќе дува слаб до умерен ветер од северен правец.
Наутро температурата ќе биде од минус 3 до 4, а во текот на денот од 4 до 14 Целзиусови степени.
Во Скопје денеска ќе преовладува променливо облачно време со слаб северен ветер, а температурата ќе се движи од 4 степени наутро до 9 степени во текот на денот.
За утре од УХМР прогнозираат сончево време со мала до умерена облачност и со слаб до умерен ветер од северен правец вдолж Повардарието. Температурата утре ќе се движи во интервал од 5 до 14 степени.