Трамп во претседателската кампања ги критикуваше одлуките на Бајден за одобрување помош за Украина, што предизвика загриженост за иднината на американската поддршка за украинскиот претседател Володимир Зеленски
Белата куќа планира да ја забрза испораката на воена помош од милијарди долари за Украина за време на мандатот на американскиот претседател Џо Бајден, кој ја напушта функцијата во јануари идната година, пренесува Ројтерс.
Оваа помош има за цел да ја зајакне владата во Киев пред инаугурацијата на новоизбраниот претседател на САД, Доналд Трамп, на 20 јануари следната година.
Трамп во претседателската кампања ги критикуваше одлуките на Бајден за одобрување на помош за Украина, што предизвика загриженост за иднината на американската поддршка за украинскиот претседател Володимир Зеленски.
Според анализите на дел од американските медиуми, се очекува да се суспендира американската помош за Киев кога Трамп ќе влезе во Белата куќа. Во таа насока, постојат сомнежи и дали Европа е способна сама да ја преземе финансиската и воената поддршка за Украина.
Претставничкиот дом, контролиран од републиканците, последен пат одобри помош за Украина во април годинава, вклучувајќи ги и одобренијата за пренос на оружје од американските залихи.
Информацијата дека администрацијата на претседателот во заминување планира итно да ги испрати последните шест милијарди долари за помош на Украина ја објави колумнистот на „Политико“, Џек Деч, на социјалната мрежа Икс.
NEW: The Biden admin is planning to rush the last $6B remaining in Ukraine security assistance out the door by Inauguration, as the outgoing team prepares for the weapons flow to end once Trump takes office.
— Jack Detsch (@JackDetsch) November 6, 2024
From @paulmcleary and me: https://t.co/ZjrC8QjtpX
Во кампањата Трамп уверуваше дека рускиот претседател Владимир Путин никогаш немаше да ја нападне Украина доколку тој беше на функцијата, посочувајќи дека доколку повторно биде избран за претседател, ќе преговара за решение на кризата во рок од 24 часа.