Ерупцијата на вулканот зафати седум околни села, чии жители беа евакуирани, но девет од нив го загубија животот, според досегашните информации
Најмалку девет лица загинаа по ерупцијата на вулканот Лаки-Лаки на планината Левотоби во источна Индонезија, јавува Ројтерс.
Вулканот Лаки-Лаки, кој се наоѓа на островот Флорес, еруптира во неделата во 23:57 часот по локално време исфрлајќи огнена црвена лава, вулканска пепел и вжештени карпи. Властите во Индонезија го подигнаа статусот на опасност од вулканот на највисоко ниво.
„По ерупцијата дојде и до прекин на електричната енергија. Потоа врнеше дожд придружен со силни молњи, што предизвика голема паника кај луѓето што се наоѓаат во близина на вулканот“,
изјави за Ројтерс, Хади Виџаја, портпарол на тамошниот Центар за вулканологија.
Ерупцијата на вулканот зафати седум околни села, чии жители беа евакуирани, но девет од нив го загубија животот, според досегашните информации. Огнена лава и вжештени камења ги погодија селата што се оддалечени и до четири километри од кратерот.
🌋🇮🇩 Terrible situation in the southeast of Flores Island, Indonesia. The Lewotobi (Lakilaki) volcano erupted and launched powerful bombs of pyroclastic and volcanic ash towards nearby villages. Several houses caught fire and an intense rain of ash and gravel has forced residents… pic.twitter.com/HIUO8pi02T
— Weather monitor (@Weathermonitors) November 3, 2024
Селата најблиску до планината Левотоби беа целосно покриени со вулканска пепел, а властите потоа одлучија да ги евакуираат жителите на селата оддалечени десет или повеќе километри од кратерот.