Единицата за насилен криминал – Одделение за крвни и сексуални деликти при СВР Скопје до надлежното ОЈО Скопје поднесе кривична пријава за обид за убиство против пет лица, сите од Скопје. Како што информира МВР, пријавените се гонат во врска со настан кој се случил на 08.03.2024 околу 19 часот на подрачјето на Бит-пазар кога петтемина со остар и тврд предмет го нападнале М. А. (33) од Скопје и му нанеле тешки телесни повреди.
„Веднаш по добиената пријава, преземени се соодветни мерки и активности од страна на полициски службеници од Единицата за насилен криминал при СВР Скопје и С. Е. (30), И. Е. (27), Х. Е. (48), Б. Е. (23), сите од Скопје, се лишени од слобода, а денеска и Ј. Б. (20) од Скопје е лишен од слобода. Во координација со ОЈО Скопје од страна на ЕНК – ОКСД при СВР Скопје поднесена е кривична пријава по член 123 во врска со член 19 од КЗ, “
се наведува во полицискиот билтен.
Од страна на судија на претходна постапка на лицата С. Е. и Х. Е. им е определена мерка притвор во времетраење од 30 дена, додека, пак, на лицата И. Е. и Б. Е. определена им е мерка домашен притвор.