Техничкиот премиер Оливер Спасовски информира дека неговиот втор тест за ковид-19 е негативен.
„Денеска го добив резултатот од вториот тест на коронавирус и тој е – негативен. Многу е важно сите до еден целосно да ги почитуваме мерките и препораките. Секој од нас може да даде придонес за јавното здравје за наскоро да можеме заедно да го вратиме животот во новата нормала. Им благодарам на сите за поддршката. Останува и понатаму да внимаваме и да ги почитуваме мерките на претпазливост. Да носиме заштитни маски, да држиме физичка дистанца од два метри, да се чуваме, а со тоа да ги чуваме и другите“,
напиша Спасовски на Фејсбук.
Негативен резултат на ковид-19 покажа и второто тестирање на министерот за здравство Венко Филипче, кој денеска најави дека излегува од самоизолација.