Времето во Скопје ќе биде сончево со умерена облачност и со слаб до умерен јужен ветер
Времето денеска ќе биде сончево и релативно топло со умерена облачност, соопшти Управата за хидрометеоролошки работи (УХМР).
„Ќе дува умерен, наместа повремено засилен ветер од јужен правец. Минималната температура ќе биде во интервал од 0 до 6, а максималната ќе достигне од 12 до 18 степени“,
велат оттаму.
Од УХМР соопштија и дека во Скопје времето ќе биде сончево со умерена облачност и со слаб до умерен јужен ветер.
„Минималната температура ќе се спушти до 2, а максималната ќе достигне 17 степени“,
велат метеоролозите.
За време на викендот и во понеделник ќе преовладува променливо облачно време со повремени врнежи од дожд.
Во сабота ќе дува умерен до засилен ветер претежно од југоисточен правец.