Инаку, во фокусот пред состанокот беше унгарскиот премиер Виктор Орбан бидејќи постоеја стравувања дека тој повторно ќе го блокира пакетот за помош на Украина, како што тоа веќе еднаш го стори на Самитот на Унијата во декември лани, што предизвика фрустрации кај останатите земји членки
Претседателот на Европскиот совет, Шарл Мишел, објави дека лидерите на земјите членки на Европската Унија на денешниот состанок успеале да постигнат договор за пакетот помош за Украина во износ од 50 милијарди евра, јавуваат светските медиуми.
Лидерите на ЕУ денеска се сообра во Брисел на специјален Самит на Унијата, на кој се расправаше за усвојување на ревизијата на Повеќегодишната финансиска рамка на ЕУ за периодот 2021–2027 година, а која во најголем дел вклучува обезбедување средства за поддршка на Украина.
„Имаме договор! Сите 27 лидери се согласија за дополнителен пакет за поддршка од 50 милијарди евра за Украина во рамките на буџетот на ЕУ. Ова значи стабилно, долгорочно и предвидливо финансирање за Украина. ЕУ презема лидерство и одговорност за поддршка на Украина, знаеме што е во прашање“,
напиша Мишел на социјалната платформа „Икс“.
We have a deal. #Unity
— Charles Michel (@CharlesMichel) February 1, 2024
All 27 leaders agreed on an additional €50 billion support package for Ukraine within the EU budget.
This locks in steadfast, long-term, predictable funding for #Ukraine.
EU is taking leadership & responsibility in support for Ukraine; we know what is…
Инаку, во фокусот пред состанокот беше унгарскиот премиер Виктор Орбан бидејќи постоеја стравувања дека тој повторно ќе го блокира пакетот за помош на Украина, како што тоа веќе еднаш го стори на Самитот на Унијата во декември лани, што предизвика фрустрации кај останатите земји членки.
Орбан, како што потсетува Би-би-си, тогаш рече оти сака да ја натера ЕУ да ја преиспита нејзината политика кон Украина, доведувајќи ја во прашање иницијативата за финансиска поддршка на Украина во следните четири години.
Објавата на Мишел, како што наведува британски „Гардијан“, покажува дека лидерите на ЕУ успеале да го убедат да поддржи договорот.
Претходно, пред почетокот на состанокот, шефот на европската дипломатија Жозеф Борел пред новинарите изјави дека руската агресија врз Украина е најголема закана за европската безбедност и доколку Унијата не го поддржи Киев, ќе плати многу висока цена.
„Мора да продолжиме да работиме заедно за да ја поддржиме Украина… Има земји членки, како Унгарија, која рече дека веќе не сака да учествува во тоа, но нема да опструира. Една работа е да не учествуваш, а сосема друга да се противиш“,
рече Борел.
Дипломатски извори за новинската агенција Ројтерс изјавија дека новиот договор вклучува годишна дискусија за пакетот и опција тој да се разгледа за две години, „ако е потребно“.
Претседателката на Европската комисија, Урсула фон дер Лајен, по постигнувањето на договорот, рече дека денешниот ден е „добар ден за Европа“.
Agreement!
— Ursula von der Leyen (@vonderleyen) February 1, 2024
The European Council delivered on our priorities.
Supporting Ukraine.
Fighting illegal migration.
Supporting European competitiveness.
A good day for Europe.
Неодамна избраниот премиер на Полска, Доналд Туск, кој беше особено критички настроен кон Орбан, нарекувајќи го неговото однесување „чудна и егоистична игра“, на платформата „Икс“ напиша:
„Виктор Орбан може да се убеди… Да продолжиме понатаму“.
Dobry czwartek. Wiktora Orbana dało się „przekonać”, Daniela Obajtka dało się odwołać. Jedziemy dalej.
— Donald Tusk (@donaldtusk) February 1, 2024