Германија и САД во четвртокот објавија дека ќе ѝ достават на Украина оклопни возила. Во заедничката изјава по разговорите меѓу претседателот Џо Бајден и канцеларот Олаф Шолц, Соединетите Држави соопштија дека на Украина ќе и дадат борбени возила на пешадијата Бредли, додека Германија ќе обезбеди борбени возила Мардер
Украинскиот претседател Володимир Зеленски повторно изрази благодарност откако Вашингтон, Берлин и Париз ветија дека ќе ја снабдат земјата со оклопни борбени возила.
„Успеавме да ја доведеме украинската сила и одбранбената соработка со партнерите на ново ниво. Од сега Украина има повеќе воздушна одбрана, повеќе оклопни возила, за прв пат западни тенкови, повеќе оружје и проектили“,
рече тој во видео обраќање.
Германија направи значаен чекор напред во зајакнувањето на безбедноста не само на Украина, туку и на цела Европа, додаде Зеленски.
Германија и САД во четвртокот објавија дека ќе ѝ достават на Украина оклопни возила. Во заедничката изјава по разговорите меѓу претседателот Џо Бајден и канцеларот Олаф Шолц, Соединетите Држави соопштија дека на Украина ќе и дадат борбени возила на пешадијата Бредли, додека Германија ќе обезбеди борбени возила Мардер.
Објавата уследи по одлуката на Франција претходно оваа недела да испорача извидувачки возила опишани како „лесни тенкови“. Вашингтон потоа најави дополнителна воена помош од 3 милијарди долари во петокот, најголемиот единствен пакет помош до сега.
Американскиот државен секретар Ентони Блинкен во соопштение за печатот појасни дека оружјето и воената опрема за Украина првенствено вклучуваат борбени возила на пешадија Бредли, артилериски системи, оклопни транспортери, ракети земја-воздух и муниција.