Во јужниот дел на островот Кјушу денеска би можело да врне дожд од 500 мм, а се најавува ветер и до 250 километри на час
Околу два милиони луѓе во југозападна Јапонија добија наредба да се евакуираат пред пристигнувањето на моќниот тајфун Нанмадола, кој ќе го погоди регионот во недела, објави јавната телевизија „НХК-Ворлд Џапан“.
На жителите во 965 000 домаќинства им беше наредено да ги евакуираат крајбрежните градови Мијазаки, Кагошима и Амакуса.
Тајфунот Нанмадол денеска го погоди Кјушу, најјужниот од четирите главни острови во Јапонија, а метеоролозите предупредуваат на силни бури и високи бранови „кои досега не биле регистрирани“.
Четиринаесеттиот тајфун во сезоната, класифициран како супертајфун од Заедничкиот центар за предупредување за тајфуни на американската морнарица, може да донесе рекордни врнежи од дожд, соопшти Јапонската метеоролошка агенција, предупредувајќи на ризик од излевање на реки и лизгање на земјиштето.
Two million people in Japan have been told to seek shelter before the arrival of Typhoon Nanmadol. Japan’s weather agency warned of what it calls “unprecedented” risks from a “very dangerous” typhoon heading towards the southern island of Kyushu. #TyphoonNanmadol #Japan pic.twitter.com/fpZmrMfjIU
— CGTN Global Watch (@GlobalWatchCGTN) September 18, 2022
Во јужниот дел на Кјушу денеска би можело да врне дожд од 500 мм, а се најавува ветер и до 250 километри на час, додека во централниот регион Токаи може да наврнат 300 мм дожд, соопшти метеоролошката служба.
Железничките компании ги откажаа возовите во регионот, а околу 950 малопродажни објекти се привремено затворени.
Се прогнозира дека бурата ќе се движи кон исток и ќе помине над главниот јапонски остров Хоншу на почетокот на следната недела, пред да премине кон морето в среда.