Во моментов шест лица од Дебар се тестираат за коронавирус, соопшти министерот за здравство, Венко Филипче.
„Од нив, четворица кои имале контакт со заболените од Дебар. Еден доктор епидемиолог и еден лабораториски техничар исто така од Дебар кои се без симптоми на коронавирус, но за кои е важно да направиме проверка на нивната здравствена состојба“, соопшти Филипче.
Дополнително во Битола преку Центарот за јавно здравје се прават тестови и на еден странец.
Резултатите ќе бидат готови за неколку часа, најави Филипче.